اویر آل فاؤنڈیشن پونچھ کے سربراہ ایڈوکیٹ بھانو پرتاپ نے پونچھ سے منڈی تک سائکل پر سفر کر کے عوام کو ٹیکہ کاری مہیم میں حصہ لینے اور اس کی افادیت سے آگاہ کرایا۔
واضح رہے کہ پونچھ تا منڈی 22 کلو میٹر کا سفر ہے۔ مجموعی طور پر انہوں نے سائیکل پر 44 کلو میٹر سفر کیا اور لوگوں کو ویکسین کی اہمیت و افادیت سے روشناس کیا-
ان کا کہنا تھا کہ سائیکل کے سے کسرت ہوتی ہے۔ کسرت کرنے کا سب سے آسان طریقہ یہی ہے ۔ اس سے انسان کے پھیپھڑوں کے اندر اچھی طرح سے سانس جاتی ہے۔ جس سے کہ پھیپھڑے اور باڈی کا داخلی نظام اچھے سے کام کرتا ہے۔
انہوں نے کہا کہ اس وقت چند لوگ کووڈ ٹیکہ کاری کے حوالے سے طرح طرح کے افواہیں پھیلا رہے ہیں۔ ان افواہوں پرتوجہ نہ دیں۔
انہوں نے کہا کہ اگر کورونا وائرس کے مضر اثرات سے بچنا ہے تو جلد از جلد کرونا کی ٹیکہ کاری مہم میں حصہ لیں اور اپنی جانوں کا تحفظ کریں۔
