جنوبی کشمیر کے ضلع کولگام میں جمعرات کی رات پولیس نے اے ٹی ایم کو لوٹنے کی کوشش ناکام بنا دی۔
پولیس کے ایک عہدیدار نے بتایا کہ جمعرات اور جمعہ کی درمیانی شب میں چند چوروں نے یاری پورہ کے علاقے میں جے اینڈ کے بینک کے اے ٹی ایم کو لوٹنے کی کوشش کی۔
انہوں نے بتایا کہ پولیس کی بروقت مداخلت کی وجہ سے کوشش ناکام بنادی گئی اور چوروں میں سے ایک کو کھلونا پستول کے ساتھ گرفتار کیا گیا۔
یہ بھی پڑھیں
کولگام کے مختلف علاقوں میں سرچ آپریشن
گرفتار شدہ شخص کی شناخت ثاقب راشد گنائی ولد عبد الرشید گنائی ساکنہ یاری پورہ کے بطور ہوئی ہے۔
انہوں نے مزید کہا کہ اس سلسلے میں ایک مقدمہ درج کرلیا گیا ہے اور مزید تفتیش جاری ہے۔
