لائن آف کنٹرول پر دراندازی کو ناکام بنا دیا گیا

جموں و کشمیر کے ضلع بانڈی پورہ کے گریز سیکٹر میں لائن آف کنٹرول پر دراندازی کی کوشش کو بھارتی فوج نے ناکام کر دیا ہے۔ فوج نے اسلحہ اور گولہ بارود کا ذخیرہ بھی برآمد کرلیا ہے۔

فوج کے ایک ٹویٹ میں کہا گیا کہ ' ایل او سی پر تعینات بھارتی فوجیوں کو مشکوک حرکت کا پتہ چلا جس کے بعد سیکیورٹی فورسز نے کاروائی کی۔ کاروائی کے دوران دراندازی کو ناکام بنادیا گیا اور اسلحہ و گولہ بارود کا ذخیرہ برآمد کیا گیا'۔

فوج نے بتایا کہ کارروائی کے مقام سے اسلحہ اور گولہ بارود کا ذخیرہ برآمد ہوا ہے۔

انہوں نے مزید کہا مشترکہ سرچ آپریشن کے دوران بھی تین پستول، ایک جی پی ایس سسٹم اور چار کارتوس برآمد کیا گیا ہے۔