'کشمیری کسانوں سے 70.45 کروڑ روپے کے سیب کی خریداری'

جموں و کشمیر حکومت نے ایک بیان میں کہا کہ' کشمیر میں زراعت کے شعبے کو فروغ دینے کے لیے نیشنل ایگریکلچر مارکیٹنگ فیڈریشن آف انڈیا نے وادی کے کاشتکاروں سے جنوری 2020 تک 70.45 کروڑ روپے کے سیب کی خریداری کی ہے۔

جموں و کشمیر انتظامیہ نے اطلاع دی ہے کہ سال 20-2019 کے دوران ، 18.34 لاکھ میگا ٹن سیب کشمیر سے بیرون سپلائی کی گئی ہے۔

کشمیری کسانوں سے براہ راست 70.45 کروڑ روپے کے سیب کی خریداری

جاری ہونے والے ایک بیان میں کہا گیا ہے کہ وادی کشمیر کے کاشتکاروں سے براہ راست نیفیڈ کے ذریعے 28 جنوری 2020 تک 70.45 کروڑ کی خریداری کی گئی ہے۔

انتظامیہ کے بیان میں کہاگیا ہے کہ کاشتکاروں کے مفاد کے لیے اس اسکیم کو 31 مارچ 2020 تک توسیع کی گئی ہے۔