اس احتجاج میں طالب علموں، فنکاروں، دوکانداروں و سماجی رابطہ کی ویب سائیٹ پر کام کرنے والے افراد نےحصہ لیا۔ احتجاج کر رہے نوجوانوں نے موبائل انٹرنیٹ خدمات کو بحال کرنے کے حق میں نعرے بازی کی۔
موبائل انٹرنیٹ خدمات کو بحال کرنے کی اپیل
احتجاج میں شامل ایک آرٹسٹ سیم پنڈو نے ذرائع ابلاغ کے نمائندوں سے بات کرتے ہوئے کہا کہ’ آج ہمیں مجبورناً سڑکوں پر احتجاج کرنے کے لیے آنا پڑا کیونکہ اب 100 دنوں سے موبائل انٹرنیٹ خدمات بند پڑا ہے، جس کی وجہ سےکاروبار کرنے والے افراد و زیر تعلیم طالبات مشکلات سے دوچار ہے۔
لہذا سرکار کو چاہیئے کہ وہ موبائل انٹرنیٹ خدمات بحال کرے تاکہ لوگوں کو راحت ملے۔
واضح رہے کہ جموں و کشمیر کو دو حصوں میں تقسیم کرنے اور دفعہ 35اے و 370 کی منسوخی کے پیش نظر جموں و کشمیر انتظامیہ نے مرکزی سرکار کے ہدایات پر 5 اگست کو جموں خطہ میں موبائل انٹرنیٹ خدمات معطل کی۔
