بھلیسہ قرنطینہ مرکز سے مزید 200 افراد گھر روانہ

جموں و کشمیر کے ضلع ڈوڈہ کے بھلیسہ کے لیے اُس وقت آج خوشخبری آئی جب دو سو افراد چودہ روز کی قرنطینہ مدّت مکمل کرنے کے بعد اپنے اپنے گھر لو ٹ گئے۔

بلاک میڈیکل آفیسر گندو نے بتایا کہ آج تک 732 مزدوروں کے ٹیسٹ آ چکے ہیں اور آنے والے وقت میں ان تمام مزدوروں کے ٹیسٹ لیے جائیں گے جو بیرونی ریاستوں سے آرہے ہیں۔

انہوں نے مزید کہا کہ نمونہ لینے کا عمل تیزی سے جاری ہے ، تاکہ ان مزدوروں کے ٹیسٹ نتائج آنے کے بعد جلد ہی گھر بھیج دیا جائے۔