اننت ناگ کرکٹ پریمیئر لیگ اختتام پذیر

ریاست جموں و کشمیر کے ضلع اننت ناگ میں کئی ماہ سے جاری اننت ناگ کرکٹ پریمیئر لیگ اختتام پذیر ہوگیا۔

ای ٹی وی بھارت کے نمانئدے کے مطابق آخری میچ اننت ناگ ٹائٹنز اور خان سلطان کلبس کے مابین کھیلا گیا۔

جس میں خان سلطانز نے میچ اپنے نام کر لیا۔

اننت ناگ کرکٹ پریمیئر لیگ اختتام پذیر

اس موقع پر ایک تقریب کا بھی اہتمام ہوا جس میں کھلاڑیوں، سماج کے مختلف طبقہ ہائے فکر سے تعلق رکھنے والے افراد اور کرکٹ شائقین کی ایک بڑی تعداد نے شرکت کی۔منتظمین کے مطابق اس نوعیت کی کرکٹ لیگ کا اہتمام جنو بی کشمیر میں پہلی بار ہوا۔اس ٹورنمنٹ کا مقصد نوجوانوں کو کھیل کود کی جانب راغب کرنا اور انہیں ایک بڑا پلیٹ فارم مہیا کرناہے۔

ادھر عام نوجوانوں نے غیر سیاسی و غیر سرکاری سطح پر اس طرح کے پروگراموں کا خیر مقدم کیا ہے اور ان کے زیادہ سے زیادہ انعقاد پر زور دیا۔