منڈی:مرکز کے زیر انتظام یوٹی جموں و کشمیر کے ضلع پونچھ کی تحصیل منڈی میں واقع کمپلیکس میں تحصیلدار کی سربراہی میں یومِ جمہوریہ کے حوالے سے ایک اہم میٹنگ کا اہتمام کیا۔ اس موقع پر میٹنگ میں تحصیل سطح کے تمام محکموں کے آفسران اور انچارج ملازمین شریک ہوئے۔ اس موقع پر میٹنگ میں تحصیل سطح کے تمام محکموں کے آفسران اور انچارج ملازمین شریک ہوئے۔
جبکہ ان کے علاوہ بارڈر سیکیورٹی فورس, جموں و کشمیر پولیس کے ارکان نے بھی شمولیت اختیار کی۔ دوران میٹنگ یومِ جمہوریہ کی تقریبات سے قبل تمام تر انتظامات کو حتمی شکل دینے کی غرض سے تمام محکمہ جات کے آفسران کو متحرک کیا گیا۔
یاد رہے تحصیلدار منڈی شہزاد لطیف خان نے تمام آفسران اور ملازمین کو سختی کے ساتھ ہدایات جاری کرتے ہوئے یومِ جمہوریہ کی تقریبات کے حوالے سے مستعدی سے کام کرنے کی تلقین کی۔ انہوں نے کہا کہ تحصیل ہیڈ کوارٹر سمیت بلاک, پنچائیت, اور وارڈ سطح پر یومِ جمہوریہ کی تقریبات منانے کی مناسبت سے انتظامات کیے جائیں۔
میٹنگ کے حوالے سے مزید جانکاری دیتے ہوئے تحصیلدار منڈی شہزاد لطیف خان نے کہ بلاک منڈی, بلاک لورن, بلاک ساتھرہ میں یومِ جمہوریہ کی تقریبات منانے کے لیے تمام تر انتظامات باہم رکھے جائیں گے۔ تاکہ یومِ جمہوریہ کی تقریبات بحسن خوبی انجام دی جاسکیں۔
یہ بھی پڑھیں:Appointment Letter to Slain pandit’s wife: ایل جی سنہا نے سنیل پنڈت کی اہلیہ کو تقرری نامہ سونپا
واضع رہے کہ ہیڈ کوارٹر منڈی, راجپورہ, بی ایس ایف ایم ٹی منڈی, میں پرچم کشائی کی جائے گی۔ جس کے بعد مختلف سرکاری و نجی اسکولوں کے طلباء و طالبات رنگارنگ تمدنی و ثقافتی پروگرام پیش کریں گے۔
