واضح رہے کہ محکمہ موسمیات نے جموں خطے میں 29 جولائی تک بارشوں کی پیشن گوئی کی ہے۔
سرکاری ذرائع کے مطابق تین سو کلو میٹر طویل سرینگر۔ جموں قومی شاہراہ پر نامساعد موسمی حالات کے پیش نظر جمعہ کے روز امرناتھ یاترا کو معطل رکھا گیا۔
انہوں نے کہا کہ کسی بھی یاترا گاڑی کو وادی کی طرف روانہ ہونے کی اجازت نہیں دی گئی۔
قابل ذکر ہے یکم جولائی سے جاری سالانہ امرناتھ یاترا کے دوران اب تک قریب تین لاکھ یاتریوں نے شیو لنگم کا درشن کیا ہے۔
یاترا ذرائع کے مطابق اب تک تیس یاتری مختلف وجوہات کی وجہ سے از جان ہوئے ہیں جبکہ چالیس کے قریب یا تو زخمی ہوئے ہیں یا بیمار ہوئے ہیں۔
