بورڈ امتحانات کی تیاریوں کا جائزہ

جموں و کشمیر کے گورنر ستیہ پال ملک کے مشیر فاروق خان نے ایک اعلیٰ سطحی اجلاس کے دوران جموں اور کشمیر خطے میں ہونے والے دسویں، گیارہویں اور بارہویں جماعت کے امتحانات کی تیاریوں کا جائزہ لیا تاکہ امتحانات بہتر طریقے سے کرائے جا سکیں۔

گورنر کے مشیر نے جموں و کشمیر بورڈ آف سکول ایجوکیشن کے چیئرمین کو ہدایات دی کہ وہ بورڈ امتحانات کے بہتر انعقاد کے لیے ایک تفصیلی منصوبہ مرتب کریں۔

انہوں نے کہا کہ 'امتحانات کی دیکھ ریکھ کرنے والا عملہ ڈیٹ شیٹ کے مطابق متعلقہ پولیس اسٹیشنز سے امتحانات کے تعلق سے ضروری چیزیں فراہم کرسکتے ہیں۔'

اجلاس میں فیصلہ کیا گیا کہ دسویں اور بارہویں جماعت کے امتحانات اکتوبر کے آخری ہفتے سے شروع ہوں گے ۔