جموں و کشمیر کے ضلع پونچھ میں آج بلدیہ کی جانب سے غیرقانونی تجاوزات کے خلاف کارروائی کی گئی۔ اس موقع پر سڑک کو غیر قانونی قبضے آزاد کرایا گیا۔
اطلاعات کے مطابق گذشتہ کچھ دنوں سے پونچھ نگر کے بھابین بازار میں واقع متعدد پلیا اور نالوں پر غیر قانونی طریقے سے دکانیں لگائی جارہی تھیں جس کی وجہ عوام کو دشواریوں کو سامنا کرنا پڑرہا تھا۔
اس تعلق سے ضلع انتظامیہ اور بلدیہ کی جانب سے غیر قانونی تجاوزات کو ختم کرنے کے لیے دکاندارں سے بار بار اپیل کی جارہی تھی۔ لیکن دکانداروں کی جانب سے مسلسل اپیل کی خلاف ورزی کی جارہی تھی۔
اس دوران آج دوپہر ڈسٹرکٹ ڈویلپمنٹ کمشنر اندرجیت کے حکم پر نائب تحصیلدار اور ایس ایچ او پونچھ، ایس ڈی جموال کی سربراہی میں پولیس نے کاروائی کرتے ہوئے بازار کو غیر قانونی تجاوزات سے پاک کرایا۔
اس کارروائی کے بعد ضلع انتظامیہ نے بتایا کہ کورونا سے تحفظ کے لیے شہر میں متعدد اقدانات کیے جارہے ہیں۔ اس کے پیش نظر یہ صفائی مہم چلائی جا رہی ہے۔
وہیں، عام شہریوں نے انتظامیہ کے ان اقدامات کی تعریف کرتے ہوئے مطالبہ کیا کہ مارکٹ کے دیگر حصوں سے بھی غیر قانونی قبضے پر کارروائی کی جائے۔
