موصولہ اطلاعات کےمطابق وسطی کشمیر کے ضلع گاندربل میں منگل کے روز پولیس نے ایک نوجوان کو ایک 16 سالہ لڑکی کی مبینہ طور عصمت تارتار کرنے کے الزام میں گرفتار کیا۔
قصوروار کی شناخت آصف احمد وانی ولد محمد مقبول وانی ساکن نیو کالونی ہرن گاندربل کے بطور ہوئی ہے۔
متاثرہ لڑکی نے اس کے ساتھ پیش آئے واقعے کو اپنے گھر والوں کے سامنے بیان کیا جس کے بعد انہوں نے پولیس اسٹیشن گاندربل میں شکایت درج کی۔
شکایت پر کارروائی کرتے ہوئے گاندربل پولیس نے قصوروار کو گرفتار کیا اور اس کے خلاف ایک کیس درج کیا گیا۔
دریں اثنا پولیس ذرائع کا کہنا ہے کہ قصوروار کو گرفتار کیا گیا ہے اور اس سلسلے میں تحقیقات جاری ہیں۔
اس دوران ریاستی پولیس کی طرف سے جاری ایک بیان میں کہا گیا کہ پولیس اسٹیشن گاندربل کو شکایت موصول ہوئی کہ ضلع میں 12مئی کے روز مبینہ طورپر ایک دوشیزہ کی عصمت ریزی کا واقعہ رونما ہوا ہے۔
بیان میں کہا گیا 'چنانچہ پولیس نے معاملے کی نسبت ایف آئی آر زیر نمبر 98/2019 زیر دفعات 451/376 آر پی سی اور 4 پوسکو ایکٹ کے تحت کیس درج کرکے تحقیقات شروع کی۔ پولیس ٹیم فوری طورپر جائے وقوع پر پہنچی اور ملزم جو کہ گاندربل کاہی رہائشی ہے کو حراست میں لے لیا'۔
بیان میں مزید کہا گیا 'متاثرہ دوشیزہ کا طبی معائنہ بھی کیا گیا۔ فارسٹ ٹریک بنیادوں پر کیس کو پایہ تکمیل تک پہنچانے کی خاطر خصوصی تحقیقاتی ٹیم کا قیام عمل میں لایا گیا ہے'۔
