کورونا سے مزید آٹھ اموات، سرینگر 99 اموات کے ساتھ سرفہرست

ان آٹھ اموات کے ساتھ جموں و کشمیر میں اس وائرس سے اموات کی کل تعداد 329 ہوگئی ہے جس میں کشمیر صوبے سے 306 اور جموں صوبے سے 23 افراد شامل ہیں۔

وادی کشمیر میں گزشتہ رات سے کورونا سے آٹھ مزید اموات ہوئی ہے جس سے جموں و کشمیر میں اس وائرس کی وجہ سے اموات کی تعداد 329 ہوگئی۔

سرکاری ذرائع نے بتایا کہ تازہ اموات میں سرینگر کے نوہٹہ علاقے سے تعلق رکھنے والی ایک 60 سالہ خاتون، بٹہ مالو کی 62 سالہ شخص، نور باغ کا 75 سالہ شخص، برزلہ علاقے کا 85 سالہ شخص، حبہ کدل کا 79 سالہ شخص، عیدگاہ کا 72 سالہ مریض اور سرینگر کے رنگریتھ علاقے کا 64 سالہ شہری جسے ایس ایم ایچ ایس اسپتال منتقل کرنے کے بعد سی ڈی اسپتال میں مردہ حالت میں لایا گیا تھا اور ڈی ایچ پورہ کولگام کا ایک 59 سالہ شخص شامل ہیں۔

اب تک کووڈ 19 کی وجہ سے کشمیر صوبے میں 306 اور جموں صوبے میں 23 اموات ہوئیں۔

ضلع سرینگر میں 99 اموات کے ساتھ سب سے زیادہ اموات ہیں اس کے بعد بارہمولہ (63)، کولگام (27)، بڈگام (24)، اننت ناگ (21)، 20 اور شوپیان اور پلوامہ ، کپواڑہ (17)، جموں (15)، بانڈی پورہ ( 9) ، گاندربل (6) ، راجوری اور ڈوڈہ میں دو اور پونچھ، ادھمپور اور کٹھوعہ میں ایک ایک موت ہوئی ہے۔