ایڈیشنل ایس پی رامبن سنجے پرہار نے کہا کہ پولیس نے منشیات اور جرائم کی روک تھام کے لیے ایک خصوصی مہم شروع کردی ہے۔
ایس ایس پی رام بن انیتا شرما کی ہدایت پر ایس ایچ او انسپکٹر اجے کوتوال کی قیادت میں ایک پولیس ٹیم نے شاہراہ کے ڈیگڈول کے مقام پر ناکہ لگا کر ٹینکر کو ضبط کر لیا ہے۔
انہوں نے کہا کہ یہ ٹینکر سرینگر سے جموں کی طرف جارہا تھا۔ تلاشی کارروائی کے دوران ٹینکر سے 650 کلو گرام چرس برآمد کیا گیا ،لیکن ڈرائیور فرار ہونے میں کامیاب ہوگیا۔
پولیس نے ڈرائیور کے خلاف کیس درج کر کے مزید تحقیقات شروع کر دی ہے۔
