زمین کھسکنے کے سبب 5 افراد ہلاک

ریاست جموں و کشمیر کے ضلع ڈوڈہ میں زمین کھسکنے کی وجہ سے ایک حادثہ پیش آیا ہے ۔اس حادثے میں 5 افراد ہلاک جبکہ 9 زخمی ہوگئے۔

اطلاعات کے مطابق یہ حادثہ اس وقت پیش آیا جب ایک منی بس گندوہ علاقے سے تھاتھری کی طرف جارہی تھی تو اچانک پیاکل گاؤں کے پاس زمین کھسک گئی ۔منی بس ملبے کے نیچے آگئی جس میں 5 افراد ہلاک جبکہ 9 زخمی ہوگئے۔

ہلاک شدہ افراد میں تین خواتین بھی شامل ہیں۔ مقامی لوگ اور پولیس فوری طور پر موقع واردات پر پہنچے اور رسکیو آپریشن شروع کیا۔

زخمیوں کو مقامی ہسپتال میں داخل کیا گیا جہاں و زیر علاج ہے۔

ہلاک شدہ افراد کی شناخت کنو علاقے سے تعلق رکھنے والی شکیلا بیگم، گلشن بیگم اور منصور احمد، جورا علاقے کے مداثر حسین اور شیچل علاقے کے کملیشا دیوی کے طور پر ہوئی ہے۔

ایس ڈی پی او گندوہ نے اس حادثے کی تصدیق کی ہے۔