اطلاعات کے مطابق جمعہ کی سہ پہر کو دبئی کے ایک ہسپتال میں کووڈ 19 کی وجہ سے ایک 34 سالہ کشمیری خاتون کا انتقال ہوگیا۔
بتایا جارہا ہے کہ وہ وہ تین بیٹوں کی ماں تھی۔ ان کا تعلق سرینگر کے نواب بازار علاقے سے تھا۔
واضح رہے کہ متاثرہ خاتون کشمیر یونیورسٹی کے ایجوکیشنل ملٹی میڈیا ریسرچ سنٹر (ای ایم ایم آر سی) کے سابق پروڈیوسر مرحوم فاروق لون کی بیٹی تھی۔
انتقال شدہ خاتوں کے قریبی رشتہ دار نے بتایا کہ ' 31 مارچ کو ان کا کورونا وائرس کا ٹیسٹ مثبت پایا گیا تھا۔ ہم اس خبر سے بہت متاثر ہوئے ہیں اور کشمیر میں سب سے درخواست کرتے ہیں کہ مرحوم کی روح کے لیے دعا کی جائے۔'
ڈاکٹروں نے بتایا کہ مرحوم خاتون کے شوہر اور تین بیٹوں کو اب ہسپتال میں داخل کرایا گیا ہے۔ واضح رہے کہ اس سے قبل کشمیری ڈینٹل سرجن کے والد کا کووڈ19 کی وجہ سے برطانیہ میں انتقال ہوگیا جہاں ان کی مرضی کے مطابق انہیں دفن کردیا گیا تھا۔
