جنوبی کشمیر کے ضلع کولگام کے قاضی گنڈ علاقے میں ایک نوجوان کی لاش نزدیکی نالہ سے برآمد ہوئی ہے۔
اطلاعات کے مطابق دامجن قاضی گنڈ میں 30 سالہ ہاشم الدین کی لاش نزدیکی نالہ سے پر اسرار حالت میں برآمد کی گئی ہے ۔ہاشم الدین کا تعلق ضلع رامبن سے بتایا جارہا ہے۔
مقامی ذرائع کے مطابق لوگوں نے یہاں سے گزر رہے نالہ میں لاش پائی جس کے بعد پولیس کو مطلع کیا گیا۔پولیس نے لاش کو تحویل میں لے کر اسے پوسٹ مارٹم کے لئے اسپتال منتقل کیا ہے۔
تاہم پولیس نے اس معاملے میں کیس درج کرکے تحقیقات شروع کر دی ہے۔
مزید تفصیلات کا انتظار ہے۔
