اطلاعات کے مطابق یہ حادثہ بندرکوٹ علاقے میں پیش آیا ہے جب گاڑی جموں سے چنگم گاؤں کی طرف جارہی تھی۔ گاڑی اچانک ڈرائیور کے قابو سے باہر ہوگئی اور گہری کھائی میں گر گئی۔
پولیس کے مطابق زخمی افراد کو مقامی ہسپتال میں داخل کیا گیا جہاں ان کی حالت بہتر بتائی جاری ہے۔
واضح رہے کہ کشتواڑ میں سڑک حادثات میں اضافے کی وجہ سے لوگوں میں تشویش کا ماحول ہے لیکن سڑک حادثات کی روک تھام کے لیے جموں و کشمیر انتظامیہ کی جانب سے موثر اقدامات اب تک نہیں اٹھائے گئے ہیں۔
مقامی لوگوں نے گورنر انتطامیہ سے اپیل کی ہے کہ اس طرف توجہ مرکوز کی جائے تاکہ مستقبل میں سڑک حادثات کے واقعات پر قابو پایا جاسکے اور لوگوں کی زندگیوں کو محفوظ کیا جائے۔
