اپنے پہلے اقدام کے طور پر ضلع انتظامیہ پلوامہ نے آج مقامی خواہش مند طلباء و طالبات کے لیے کے اے ایس، ائی اے ایس مفت کوچنگ مہیا کرنے کے لیے اسکریننگ ٹیسٹ کرایا۔
ضلع انتظامیہ پلوامہ کی ایک اہم پہل کے دوران آج سیول سروسز کی کوچنگ کرنے کی غرض سے ایک ٹیسٹ کا انعقاد عمل میں لایا گیا تاکہ منتخب طلبا کی مفت کوچنگ کی جائے۔
ڈپٹی کمشنر پلوامہ راگو لنگر محمد کی نگرانی میں ضلع انتظامیہ نے آئی اے ایس / کے اے ایس کے خواہش مند امیدواروں کی حوصلہ افزائی اور ان کی حمایت کے لیے یہ اقدام شروع کیا گیا ہے۔
215 سے زائد امیدواروں نے ٹیسٹ کے لیے درخواستیں دی تھی تاہم آج 195 امیدواروں نے اسکرینگ ٹیسٹ دیا۔
یہ ٹیسٹ مکمل طور پر نئے یو پی ایس سی اور جے کے پی ایس سی کے ابتدائی امتحان پیٹرن (CSAT) کی بنیاد پر لیا گیا۔
ٹیسٹ کا نتیجہ ڈسٹرکٹ این آئی سی پلوامہ سائٹ پر اپ لوڈ کیا جائے گا۔
امیدواروں کو بھی کلاسز کے آغاز کے بارے میں علیحدہ طور پر آگاہ کیا جائے گا۔
واضح رہے کہ ان امیدواروں کے لیے چھ مہینے تک IAS/KAS مفت کوچنگ کرائی جائیگی جو ضلع انتظامیہ کے سینئر افسران لیں گے۔
