سونے کا تمغہ حاصل کرنے والے کھلاڑی کی حکومت سے اپیل

شمالی کشمیر کے ضلع بارہمولہ کے سوپور قصبہ سے تعلق رکھنے والے چودہ برس کے عثمان امین نے چھتیس گڑھ نیشنل اسکول گیمز میں سونے کا تمغہ حاصل کیا ہے۔

ای ٹی وی بھارت کے ساتھ بات کرتے ہوئے عثمان امین کے والد محمد امین کا کہنا ہے کہ 'ان کے بیٹے نے گزشتہ 5 برسوں سے اسٹیٹ اور نیشنل چیمپئن شپ میں نمایاں کارکردگی دکھائی اور حال ہی میں چھتیس گڑھ میں ینگ موڈہ گیم کھیلتے ہوئے سونے کا تمغہ حاصل کیا۔'

عثمان امین کے والد کا کہنا ہے کہ 'ان کے بیٹے نے بھارت کی محتلف ریاستوں میں چیمپئن شپس کھیلی ہیں اور اب وہ اولمپکس کھیلنے کا خواہش مند ہے لیکن سرکار ہماری طرف کوئی بھی توجہ نہیں دے رہی ہے۔'

انہوں نے مزید کہا کہ 'آج تک جو بھی خرچ ہوا وہ اپنے ہی بل بوتے پر کیے ہیں۔ میرے بیٹے عثمان امین کی خواہش ہے کہ وہ ایک دن اپنے ملک اور اپنے جموں و کشمیر کا نام روشن کریں۔'

انہوں نے حکومت سے گزارش کی کہ ہم جیسے غریب لوگوں کی طرف توجہ دیں تاکہ ہم آگے بڑھیں اور کچھ حاصل کریں۔