راہل گاندھی کا ہماچل پردیش کا دورہ

لوک سبھا الیکشن کےپیش نظر ہماچل پردیش میں کانگریس کے صدر راہل گاندھی کی تین ریلیاں ہوں گی۔

یہ اطلاع کانگریس کے ریاستی صدر کلدیپ سنگھ راٹھور نے آج یہاں میڈیا سے رسمی گفتگو کے دوران دی۔

ہماچل پردیش میں ووٹنگ آخری اور ساتویں مرحلے میں 19 مئی کو ہوگی۔

راہل گاندھی کا ہماچل پردیش کا دورہ

مسٹر راٹھور نے کہا کہ بی جے پی کے ریاستی صدر ستپال ستی کے راہل گاندھی اور پرینکا گاندھی واڈرا کے خلاف استعمال کیے گئے قابل اعتراض الفاظ کے معاملے کو کانگریس ریاستی سطح پر اٹھائے گی۔انہوں نے کہا کہ الیکشن کمیشن کو ستی کے خلاف سخت کاروائی کرنی چاہیے۔ انتخابی ریلی میں اس طرح کی زبان کا استعمال کرنا ریاست کے وقار کے خلاف ہے۔ انہوں نے کہا کہ ستی آرایس ایس سے تعلق رکھنے والےرہنما ہیں اور آر ایس ایس میں قوم پرستی اور ثقافت کی بات سکھائی جاتی ہے لیکن ستی کی زبان پر حیرانی ہوتی ہے۔