ضلع کِننور کے پہاڑوں سے پتھر گرنے کی وجہ سے 9 لوگوں کے ہلاک ہونے کی اطلاع ہے جبکہ بٹسیری گاؤں کو جوڑنے والا پُل بھی ٹوٹ گیا نیز نیچے کھڑی گاڑیوں کا بڑے پیمانے پر نقصان ہوا ہے۔
لینڈ سلائیڈنگ
سانگلا پولیس تھانہ کے مطابق بٹسیری کی پہاڑیوں سے چٹانیں گرنے کا سلسلہ جاری ہے ایسے میں اس حادثے میں کتنے لوگوں کی جان گئی یہ کہنا مشکل ہے لیکن ابتدائی معلومات کے مطابق 9 لوگ ہلاک ہوئے ہیں۔
واضح رہے کہ گزشتہ روز بھی چٹان گرنے سے یہاں کے سیب کے باغ اور آس پاس کے علاقے میں کافی نقصان ہوا تھا اور آج بھی اسی جگہ لینڈ سلائیڈنگ سے جانی و مالی نقصان ہوا ہے۔
