ریاست ہماچل پردیش کے ضلع لاہول۔اسپیتی میں گزشتہ روز سے ہی بارش کا سلسلہ جاری ہے۔ جس کی وجہ سے جگہ جگہ لینڈ سلائیڈنگ بھی ہوئی ہے۔
بارش کی وجہ سے منالی- لیہہ روڈ پر برالاچہ کے قریب سڑک پر بڑے پیمانے پر لینڈ سلائیڈنگ ہوئی ہے۔ جس کی وجہ سے گاڑیوں کی آمد و رفت مکمل طور پر بند کردی گئی ہے۔ دارچا سے آگے کسی بھی گاڑی کو نہیں بھیجا جا رہا ہے جس کی وجہ سے بہت سارے مسافر سڑک پر پھنس گئے۔
گزشتہ روز کاجہ مارگ پر پہاڑی سے پتھر گرنے کے باعث سڑک پر گاڑیوں کی آمد و رفت بند ہوگئی تھی۔ کاجہ روڈ پر 3 بائک اور 11 ایل ایم وی لینڈ سلائیڈنگ کی وجہ سے گرامفو جنکشن سے 8 کلومیٹر آگے پھنسے ہوئے تھے۔ یہ گاڑیاں لوسر سے آرہی تھیں۔ جس میں 5 بچے سمیت 30 کے قریب مسافر سوار تھے۔
مسافروں کو بچانے کے لیے ایک بی آر او، پولیس اہلکارز کو 5 جپسی اور 1 بولیرو کیمپر کے ساتھ موقع پر بھیجا گیا۔ پولیس کی مشترکہ ریسکیو ٹیم اور راجہ گھیپن ریسکیو ٹیم نے رات قریب ساڑھے 12 بجے 30 سے 35 مسافروں کو بچایا۔
ایس پی لاہول۔اسپیتی مانَو ورما نے بتایا کہ 'لینڈ سلائڈنگ کی وجہ سے سڑک ابھی بھی بند ہے۔ گاڑیوں کی آمدورفت روک دی گئی ہے۔ سڑک کی بحالی کے ساتھ ہی گاڑیاں آگے بھیج دی جائیں گی۔
