ہماچل پردیش کے وزیراعلیٰ دفتر کے ڈپٹی سکریٹری کے کورونا پازیٹیو آنے کے بعد ریاستی سکریٹریٹ میں بغیر اجازت داخلے پر پابندی عائد کردی ہے۔ وہیں کل شب سکریٹریٹ سے لئے گئے سبھی 56 نمونوں کی رپورٹ منفی آئی ہے۔
آئی جی ایم سی کے چیف ڈاکٹر، ڈاکٹر جنک راج نے آج اس کی تصدیق کی ہے۔
انہوں نے کہا کہ وزیراعلیٰ اور ان کے کنبہ کے ممبران سمیت سکریٹریٹ کے 56 سیمپل کی آئی جی ایم سی میں جانچ کے لئے آئے تھے۔ سبھی کی رپورٹ منفی ہے۔
انہوں نے بتایا کہ وزیراعلیٰ اور ان کے کنبہ کے تین ممبران کی رپورٹ کل شب کو ہی منفی آگئی تھی۔
بہرحال وزیراعلیٰ ابھی ہوم کوارنٹائن ہیں اور پانچ روز بعد دوبارہ ان کا کورونا ٹیسٹ کیا جائے گا۔
سکریٹریٹ میں کل پازیٹیو معاملہ سامنے آنے کے بعد انتظامیہ الرٹ ہوگیا ہے۔ سکریٹریٹ کی سکریٹری (ایس اے ڈی) نے حکم جاری کر کے بیرونی لوگوں کے داخلہ پر روک لگا دی ہے اور بغیر اجازت کے سکریٹریٹ میں کسی بھی بیرونی شخص کو داخلہ کی اجازت نہیں ہوگی۔
انہوں نے افسران و ملازمین کے ذریعہ فون پر باہری لوگوں کو سکریٹریٹ میں بلانے پر بھی پابندی عائد کردی گئی ہے۔انہوں نے انٹری پوائنٹ و گیٹ پر کھڑے سیکوریٹی اہلکار کو حکم پر سختی سے عمل کرنے کی ہدایت دی ہے۔
