ایک طرف کورونا نے ملک اور ریاست میں تباہی مچا رکھی ہے۔ ایسے کورونا بحران میں ہماچل حکومت ریاست کو قرنطینہ منزل کی حیثیت سے ترقی دینے پر غور کررہی ہے۔
اگر حکومت کا یہ منصوبہ صحیح ثابت ہوتا ہے تو پھر پورے ملک سے لوگ قرنطینہ کے لئے ہماچل آسکیں گے۔ ریاستی حکومت سیاحت کے کاروبار سے وابستہ لوگوں کو ہونے والے نقصان کی تلافی کے لئے یہ اسکیم بنا رہی ہے۔
وزیر اعلی جے رام ٹھاکر نے کہا کہ کووڈ۔19 ریاست کو ایک بہت بڑا نقصان پہنچا ہے، ہماچل میں سیاحت کا ایک بہت بڑا کاروبار ہے اور ایک بڑی آبادی سیاحت کے کاروبار سے وابستہ ہے۔ جیسے حالات لگ رہے ہیں ابھی سیاحت کو شروع ہونے اور رفتار پکڑنے میں وقت لگ سکتا ہے۔
جس سے ریاست میں لوگوں کا روزگار خطرے میں پڑ گیا ہے۔ لہذا ریاستی حکومت ریاست میں سیاحت کی املاک کو استعمال کرنے کا منصوبہ بنا رہی ہے۔ اس کا خاکہ ابھی تیار کیا جارہا ہے۔ تاہم بڑا سوال یہ ہے کہ اس سکیم کو نجی شعبے میں کیسے نافذ کیا جائے گا۔
