ہماچل میں 9 کاغذات نامزدگی رد، 46 امیدوار میدان میں

ہماچل پردیش کی چار لوک سبھا سیٹوں کے لیے 19 مئی کو ہونے والے انتخابات کیلیے میدان میں اترے نو امیدواروں کے کاغذات نامزدگی آج جانچ کے دوران مختلف خامیوں کی وجہ سے منسوخ کر دیے گئے جس سے اب انتخابی میدان میں 46 امیدوار رہ گئے ہیں۔

چیف الیکشن افسر دیویش کمار نے بتایا کہ اس سے پہلے کاغذات نامزدگی کے عمل کے آخری روز 29 اپریل کو کل 55 امیدواروں نے اپنےکاغذ ات نامزدگی داخل کئے تھے۔ آج کاغذات نامزدگی کی جانچ ہوئی جس میں نو امیدواروں کے کاغذات نامزدگی منسوخ ہوگئے۔ ابھی 46 امیدوار انتخابی میدان میں رہ گئے ہیں۔ انتخابات سے ہٹنے والے امیدوار دو مئی تک اپنے کاغذات نامزدگی واپس لے سکیں گے۔

کمار کے مطابق اب کانگڑا پارلیمانی حلقہ میں 11، منڈی میں 17، ہمیر پور میں 11 اور شملہ میں سات امیدوار انتخابی میدان میں ہیں۔