ہماچل پردیش میں ایک طرف جہاں لوگوں میں کورونا وائرس کو لے کر خوف ہے وہیں دوسری جانب بار بار ریاست میں زلزلے کے جھٹکے سے لوگوں میں دہشت کا ماحول پیدا ہو گیا ہے ۔
جانکاری کے مطابق منگل کے روز 12:17 منٹ پر چمبا میں زلزلے کے جھٹکے محسوس کئے گئے، وہیں جھٹکے آنے سے لوگوں میں گھبراہٹ پیدا ہوگئی اور لوگ گھروں سے باہر نکلنے لگے حالانکہ تھوڑی ہی دیر میں حالات معمول پر آ گئے۔ ریکٹر اسکیل پر زلزلے کی شدت چار بتایا جا رہا ہے۔
واضح رہے کہ گزشتہ ماہ بھی کئی بار ریاست میں زلزلے کے جھٹکے محسوس کئے گئے تھے، اس دوران سب سے زیادہ زلزلے چمبا میں ہی درج کئے گئے ہیں۔
