مختلف میڈیا چینلز کی جانب سے میوات پر جرائم، لو جہاد، دہشت گردوں کو پناہ دینے اور ہندوؤں پر ظلم کرنے جیسے سنگین الزامات عائد کئے گئے ہیں۔
یہ کوئی پہلا موقع نہیں ہے جب میوات کو اس طرح نشانہ بنایا گیا ہو اس سے قبل بھی میوات پر اسی طرح کے الزامات لگائے جاچکے ہیں لیکن ہر بار الزامات بے بنیاد ثابت ہوئے۔
اس معاملے میں ای ٹی وی بھارت نے زمینی سطح پر معاملے می نوعیت کو جاننے کی کوشش کی اور میوات کے عام لوگوں سے بات کی تاکہ منصفانہ صحافت کا حق ادا ہو۔
نمائندے سے بات کرتے ہوئے میوات کے لوگ نکیتا تومر کو بہن کہتے ہوئے قتل کے ملزمین کے خلاف سخت قانونی کارروائی کا مطالبہ کر رہے ہیں تاہم علاقے کے ہندو مسلم سماج کے لوگوں کا یہ بھی کہنا ہے کہ کسی ایک ملزم کو بنیاد مان کر پورے میوات کو بدنام کیا جانا تشویش کی بات ہے۔
میوات ہمیشہ سے گنگا جمنی تہذیب کا علمبردار رہا ہے، لوگوں نے ای ٹی وی بھارت کو بتایا کہ نا سمجھ لوگ ہی میوات کو منی پاکستان جیسا نامناسب نام دیتے ہیں۔ یہاں آپسی بھائی چارہ بے مثال ہے۔
