اس موقع پر نوح سے رکن اسمبلی اور ڈپٹی اپوزیشن لیڈر چودھری آفتاب احمد کا کہنا ہے کہ یہ ملک مہاتما گاندھی کے نظریات پر ہی چلے گا۔
اس موقع پر کانگریس پارٹی کے کارکنان نے 2 منٹ کی خاموشی اختیار کرتے ہوئے گاندھی جی کو خراج عقیدت پیش کیا اور رکن اسمبلی آفتاب احمد کے ساتھ متعدد دیگر افراد اور کانگریس پارٹی کے کارکنان نے ایک دن کے لیے روزہ کا اہتمام بھی کیا۔
انہوں نے کہا کہ ہمیں ہمیشہ گاندھی کے نظریے اور اصولوں پر کاربند رہنا چاہیے اور ان کے ستیہ میوجیتے کے اصول کو کبھی نہیں بھولنا چاہیے ۔
رکن اسمبلی آفتاب احمد نے کہا کہ گاندھی جی کی نظریے کو کوئی شکست نہیں دے سکتا۔
انہوں نے زور دے کر کہا کہ گاندھی جی کے نظریہ کو آزادی کے وقت شکست نہیں دیا جا سکا تو انہیں گوڈسے قتل کر دیا۔
انہوں نے مزید کہا کہ ہمیں اس نظریے کو ہرانا ہے جو کی راہ پر گامزن ہے۔
چودھری آفتاب احمد نے کہا کہ ملک کی جمہوریت سے بڑا کچھ نہیں ہے اس کے تحفظ کے لیے ہر ممکن کوشش کرنی چاہیے تاکہ ملک کا آئین، دستور، جمہوریت اور ملک کی عوام محفوظ رہ سکیں۔
ملک کو گاندھی کے نظریے کی ضرورت ہے حالانکہ کچھ لوگ معاشرے کی فرقہ وارانہ ہم آہنگی کو تباہ کرنے کی کوشش کر رہے ہیں لیکن ہم ان کے ناپاک منصوبوں کو کبھی کامیاب نہیں ہونے دیں گے اور ہمیشہ کی طرح اتحاد، بھائی چارہ اور رواداری کے لیے محنت کرتے رہیں گے۔
