ریاست ہریانہ کے وزیر صحت نے کہا کہ عوام کے مسائل کا حل کرنا حکومت کی ترجیحات میں شامل ہے۔ انہوں نے کہا کہ کوئی بھی فریادی اپنی شکایت لیکر آتا ہے تو افسران ان کا ترجیحی طور پر سن کر ان کو حل کرتے ہیں ۔
وزیر صحت کی ماہانہ میٹینگ میں 10 شکایات پیش کی گئیں جن میں سے 6 شکایات کو فوری طور پر حل کر دیا گیا۔ باقی ماندہ شکایتوں میں سے 3 کیلئے کمیٹی تشکیل دیکر حل نکالنے کا حکم دیا گیا ہے۔
بنواری لال نے صحافیوں سے بات کرتے ہوئے کہا کہ غلط کام کرنے والوں کو سزا ضرور ملے گی۔
انہوں نے 370 دفعہ ختم کرنے کے متعلق کہا کہ سرکار کے اس فیصلے سے ملک بھر میں خوشی کی لہر ہے۔اس سے ڈاکٹر شیاما پرساد مکھرجی کی آتما کو شانتی ملے گی۔
اس موقع پر ممبر اسمبلی چودھری ذاکر حسین، ضلع صدر سریندر پرتاپ آریہ، پولس سپرینٹنڈنٹ سنگیتہ کالیا، تینوں حلقوں کے ایس ڈی ایم سمیت متعلقہ افسران موجود تھے۔
