ریڈکراس سوسائٹی کی جانب سے معذوروں کے لیے چار روزہ کیمپ

ریاست ہریانہ کے ضلع نوح میں ریڈکراس سوسائٹی کی جانب سے چار روزہ کیمپ کا انعقاد کیا گیا، جس میں معذوروں کو ضرورت کی اشیاء تقسیم کی گئیں۔

گزشتہ 15 نومبر کو ہی ریڈ کراس سوسائٹی کی جانب سے بھارت پیٹرولیم کارپوریشن لمیٹڈ کے تعاون سے تقریباً 90 لاکھ روپیے کے معاون سامان معذوروں کو دیے گئے۔

میوات میں جو معذور باقی رہ گئے ان کے لئے ریڈ کراس سوسائٹی کے سکریٹری واجد علی نے فوراً ہی اعلان کر دیا تھا کہ ان کے لیے بھی جلد ہی کیمپ لگایا جائے۔

کل سے چار روزہ کیمپ کا آغاز ہو گیا۔ ڈسٹرکٹ ٹریننگ آفیسر ہرندر سنگھ کنڈو نے بتایا کہ آج سی ایس آر اور حکومت ہند کے تعاون سے منعقدہ اس کیمپ میں تقریبا 350 ضرورت مندوں نے رجسٹریشن کرایا ہے۔

انہوں نے مزید کہا کہ معذور افراد کے لیے ٹرائی سائکل اور عام سائکل دی جاتی ہیں۔ اس کے علاوہ آنکھوں کے علاج کے لیے سامان وغیرہ بھی دیا جائےگا۔