میوات میں کورونا سے متاثر ہونے والے افراد کا تعلق ضلع کے نگینہ بلاک کے پٹاکپور گاؤں سے ہے۔ گاؤں میں پہلا مثبت کیس کل سامنے آیا تھا اور آج ایک ساتھ چار کیسز اور سامنے آگئے۔
کل ملا کر ضلع میں اب تک 65 کورونا کے مثبت کیسز آچکے ہیں جن میں سے 57 کورونا کو مات دے کر صحتیاب ہو چکے ہیں۔
یکے بعد دیگرے پانچ مثبت کیس آنے کے بعد اب فعال کیسز آٹھ ہو گئے ہیں۔ فی الوقت کورونا متاثرین میں سے تین افراد شہید حسن میڈیکل کالج میں زیر علاج ہیں، جبکہ پانچ افراد کو ضلع کووڈ کیئر سینٹر میں رکھا گیا ہے۔
اب تک 3936 سیمپل لئے گئے ہیں جن میں سے 3687 رپورٹ منفی (نگیٹو) آئی ہیں جبکہ 65 کیسز مثبت آئے ہیں۔ کل 57 مریض صحتیاب ہو چکے ہیں اور کل 184 افراد کی رپورٹ کا انتظار ہے۔
