پی سی سی رکن مہتاب احمد نے دلت مظاہرین کو مخاطب کرتے ہوئے کہا کہ ہماری کانگریس پارٹی دلت سماج کے ساتھ کھڑی ہے اور اس لڑائی میں آخری دم تک آپ کے ساتھ لڑے گی۔
رکن اسمبلی آفتاب احمد نے کہا کہ ایک دہشت گرد کو بھی آخری رسومات ادا کرنے کا حق دیا جاتا ہے لیکن یوگی حکومت کے ذریعہ اتنی درندگی کو برداشت کرنے والی جنسی زیادتی کی شکار متاثرہ کو رات میں جلا دیا جاتا ہے۔ ایسی بے رحم اور بے شرم حکومت کو ہمیشہ کے لیے اکھاڑ پھینکنا چاہیے۔
دلت سماج کے لوگوں نے کہا کہ ہندوؤں کے نام پر سیاست کرنے والی درجنوں تنظیموں میں سے ایک بھی متاثرہ کے ساتھ ہوئی بربریت کے خلاف سڑک پر نہیں آئی۔ دلت سماج کا مطالبہ ہے کہ گنہگاروں کو بھانسی دی جائے اور متاثرہ خاندان کو کم از کم دو کروڑ کا معاوضہ دیا جائے۔ بامسیف مکتی مورچہ کے ریاستی صدر سمے سنگھ نے انتباہ دیا کہ ملزمین کو اگر جلد پھانسی نہیں دی جاتی ہے تو ہم پورے بھارت میں شدید احتجاجی مظاہرے کریں گے۔
