میوات: لاک ڈاون کے دوران متاثرین کی امداد

عالمی وبا کورونا وائرس کے مضر اثرات سے تحفظ کے لیے نافذ کئے گئے لاک ڈاؤن کے سبب روہنگیا مہاجرین کی زندگی اجیرن بن گئی ہے روہنگیائی مسلمان لاک ڈاؤن کے سبب بدحالی کا شکار ہو چکے ہیں۔ آمدنی اور روزگار کے تمام راستے مسدود ہو چکے ہیں۔ حالات سے مجبور لوگوں کا اہلیان میوات دل کھول کر تعاون کر رہے ہیں۔

جمعیتہ العلما میوات کے جنرل سیکریٹری مفتی سلیم احمد ساکرس نے ای ٹی وی بھارت کو بتایا کہ دہلی کے فساد متاثرین اور دیوبند متاثرین کے لیے تقریبا 90 لاکھ روپیے کی امداد میوات کی طرف سے جمعیت کی نگرانی میں بھیجی جا چکی ہے۔ آج نوح میوات میں رہائش پذیر روہنگیا مہاجرین کے 185 خاندان کے لیے راشن کٹز بھی تقسیم کی گئی ہیں۔

انہوں نے بتایا کہ لاک ڈاؤن کے دوران بے سہارا ہوئے تمام لوگوں کے لئے میوات کے لوگوں نے دل کھول کر تعاون پیش کیا ہے۔
مولانا دلشاد نے بتایا کہ ضرورت مندوں کے کام آنا ہی عین اسلام ہے، اسلام کی تعلیمات ہمیں پیغام دیتی ہیں کہ بھوکوں کو کھانا کھلایا جائے پیاسوں کو پانی پلایا جائے اور برہنوں کو کپڑا پہنایا جائے۔ یہی ہم کرنے کی کوشش کر رہے ہیں۔