مرکز کے زیر انتظام خطے چنڈی گڑھ اور گوا میں کورونا وائرس کے سرگرم معاملوں میں اضافہ کا سلسلہ جاری ہے۔ گزشتہ چوبیس گھنٹے کے دوران چنڈی گڑھ میں 18 اور گوا میں 11 معاملے درج ہوئے ہیں۔
صحت اور خاندانی بہبود کی مرکزی وزارت کے منگل کے روز جاری کردہ اعداد و شمار کے مطابق، گذشتہ 24 گھنٹوں کے دوران کورونا کے 16432 نئے معاملے سامنے آئے ہیں، جس سے متاثرہ افراد کی تعداد ایک کروڑ دو لاکھ 24 ہزار سے زیادہ ہوگئی ہے۔ اس دوران 24900 مریضوں کے صحت مند ہونے کے ساتھ ری کوری کی شرح 95.92 فیصد ہوگئی۔
نئے معاملوں کے مقابلے کورونا سے نجات پانے والوں کی تعداد زیادہ ہونے سے 8720 معاملوں کی کمی واقع ہوئی ہے اور یہ تعداد کم ہوکر 2.68 لاکھ ہوگئی ہے۔ اس دوران مزید 252 مریضوں کی موت کے ساتھ تعداد اموات 148153 ہوگئی ہے اور اموات کی شرح 1.45 فیصد پر برقرار ہے۔
