ریاست ہریانہ کے ضلع نوح کے نومنتخب رکن اسمبلی اور ڈپٹی اپوزیشن لیڈر آفتاب احمد نے ضلع کے سالاہیڑی گاؤں میں واقع نوح گرلز کالج کا دورہ کیا۔
اس سے قبل کالج کے پرنسپل ڈاکٹر رفیق احمد اور پروفیسر مشتاق احمد نے ان کا خیر مقدم کیا۔
چودھری آفتاب احمد نے طالبات سے خطاب کرتے ہوئے کہا کہ' 2014 میں کانگریس کے دورِ حکومت میں میوات کی بیٹیوں کی تعلیم کے لیے اس خواتین کالج کی سوغات دی تھی ۔ جبکہ آج اس بات کا فخر ہے کی چار بیٹیوں سے شروع ہوا یہ سفر اب 400 بیٹیوں تک پہنچ گیا ہے۔ در اصل اس گرلز کالج میں چار سو طالبات تعلیم حاصل کر رہی ہیں۔
چودھری آفتاب احمد نے کہا کہ' ہمارا جو مقصد تھا وہ پورا ہوتا نظر آرہا ہے لیکن ابھی بہت کچھ کرنا باقی ہے۔'
انہوں نے یہ بھی کہا کہ یہاں کی طالبات کو تعلیم کے لیے جو بھی ضروری چیزیں ہوں گی اس کو پورا کرنے کے لیے میں ہمیشہ آگے رہوں گا۔ .
