کانگریس کے کچھ لیڈروں کے پارٹی میں بنیادی تبدیلی کی مانگ اور پارٹی صدر سونیا گاندھی کے استعفیٰ کی پیش کش کے درمیان ہریانہ کانگریس کی صدر کماری شیلجا نے آج محترمہ گاندھی کو ایک مکتوب ارسال کر کے کہا ملک کو ان کی قیادت کی آج سب سے زیادہ ضرورت ہے۔
کماری شیلجا نے میڈیا کو جاری مکتوب میں کہا ہے کہ گاندھی-نہرو خاندان نے ملک کو اپنے خون اور پسینے سے سینچا ہے اور اس خاندان نے ملک کے لئے قربانیاں دیں ہیں۔
یہ بھی پڑھیں: بریلی: کاشتکاروں کے مطالبات کو لیکر کانگریس کا احتجاج
انہوں نے کہا کہ سونیا گاندھی اور راہول گاندھی کی قیادت میں کانگریس نے اقتدار اور حزب اختلاف میں رہ کر بھی بہادری سے لڑائی لڑی ہے. کماری شیلجا نے پارٹی کے کچھ لیڈروں کے اعلی قیادت کے کام کاج پر سوال اٹھائے جانے پر کہا کہ اس سے ایسا معلوم ہوتا ہے کہ یہ لوگ بی جے پی کی کانگریس پارٹی کو کمزور کرنے کی سازش میں ملوث ہیں ۔
انہوں نے کہا کہ انہوں نے کہا کہ وہ اس طرح کی مانگ کی سخت مذمت کرتی ہیں ۔ انہوں نے خط میں لکھا ' ملک کو آپ کی اور راہول گاندھی کی قیادت کی سب سے زیادہ ضرورت ہے'۔
حالانکہ پارٹی کے ترجمان رندیپ سرجے والا نے کہا کہ سونیا گاندھی کے استعفے کی خبریں جھوٹی ہیں۔
