منگل کو یہاں وزیراعلیٰ منوہر لال کھٹر کی زیر صدارت کابینہ کی میٹنگ نے بل کے مسودے کو منظوری دی، جس میں مذہب کی تبدیلی پر پابندی لگانے کی تجویز ہے۔ مسودے میں تبدیلی مذہب کے لیے غلط بیانی، جبر، غیرضروری اثر و رسوخ، لالچ یا کسی بھی دھوکہ دہی کے ذریعے شادی یا شادی پر اثر انداز ہونے کی دفعات ہیں، جنہیں قابل سزا بنایا گیا ہے۔ Haryana Cabinet Approves Draft Anti-Conversion Bill نابالغوں، خواتین، درج فہرست ذاتوں اور قبائل کے درمیان اس طرح کی تبدیلی مذہب کے لیےزیادہ سزاؤں کا التزام کیا گیا ہے۔ ماضی میں اس طرح کے کئی معاملے سامنے آنے کے بعد ریاستی حکومت یہ بل لانے جا رہی ہے۔
کابینہ نے گزشتہ 4 سے 5 نومبر تک پیٹرول اور ڈیزل کی فروخت پر ویٹ میں کمی کے حوالے سے ایک تجویز کو منظوری دے دی۔ اس فیصلے کے تحت ریاست میں پٹرول پر ویٹ کی شرح 25 فیصد سے کم کر کے 18.20 فیصد اور ڈیزل پر 16.40 سے کم کر کے 16 فیصد کر دی گئی ہے۔
میٹنگ میں، ہریانہ اسٹیٹ انڈسٹریل اینڈ انفراسٹرکچر ڈیولپمنٹ کارپوریشن لمیٹڈ نے زمین کے حصول اور بنیادی ڈھانچے کی ترقی، پرانے زمین مالکان کو بڑھے ہوئے معاوضے کی ادائیگی اور صنعتی اسٹیٹس کی ترقی کے لیے ورکنگ کیپیٹل کی ضرورت کو پورا کرنے کے بارے میں تبادلہ خیال کیا۔ ریاست کے لیے 1000 کروڑ روپے کا سرمایہ قرض منظور کیا گیا ہے۔ اجلاس نے منسوخی بل 2021 کے مسودے کی بھی منظوری دی، جس کے تحت ریونیو اور ڈیزاسٹر مینجمنٹ ڈیپارٹمنٹ کے ایسے 20 ایکٹ منسوخ کیے جائیں گے، جو پرانے ہیں اور اب استعمال میں نہیں ہیں۔
کابینہ نے ریاست کے خوردہ شراب کے لائسنس ہولڈروں کو کووڈ کی وجہ سے سال 2020-21 کے لیے 2 کروڑ 19 لاکھ 56 ہزار 524 روپے کی لائسنس فیس سے راحت دینے کی تجویز کو منظوری دی۔ مالی سال 2020-21 کے لیے مختص خوردہ شراب کی دکانیں کو وڈ وبا کے تناظر میں لاک ڈاؤن کی وجہ سے یکم اپریل 2020 سے اپنا کام شروع نہیں کر سکیں۔ میٹنگ میں پنجاب ڈسٹلری رولز-1932 (ریاست ہریانہ میں لاگو) میں ترمیم کی تجویز کو منظوری دی گئی۔ اس سے ڈسٹلریز کے ذریعہ شراب کی غیر قانونی پیداوار کو روکا جاسکے گا۔
یہ بھی پڑھیں:
Hijab Controversy: کیا مدھیہ پردیش میں بھی لگ سکتی ہے حجاب پر پابندی؟
حکومت نے شاہ آباد شوگر ملز کو60 کے ایل پی ڈی ایتھنول پلانٹ کے قیام کے لیے 8.92 کروڑ روپے کے قرض دینے کی تجویز کو بھی منظوری دی۔
یو این آئی
