وزیراعظم نریندر مودی کے جانب سے جنتا کرفیو کی اپیل کو میوات کے لوگوں نے مکمل طور پر حمایت کرتے ہوئے آج خود کو اپنے گھروں میں محدود کر لیا ۔
اس دوران میوات کے سبھی بازار مکمل طور پر بند رہی وہیں الور اور بھرتپور میں بھی سبھی دکانیں بند رہیں ۔
میوات میں کئی روز سے عجیب وغریب افواہوں کا بازار گرم تھا جن کا اثر آج جنتا کرفیو کے طور پر صاف نظر آیا،کرونا کا عوام میں خوف کا عالم یہ تھا کہ وہ اپنے کام سے کھیتوں میں جانے سے بھی ڈر رہے تھے۔
ملک میں نافذ جنتا کرفیو میں میوات کے لوگوں نے حکومت کے شانہ بشانہ چلتے ہوئے کرونا وائرس کے لیے کی جانے والی احتیاط اور اقدامات میں مکمل تعاون پیش کیا۔
جس کے پیش نظر آج میوات کی سڑکیں پوری طور پر سنسان رہیں، وہیں تمام تجارتی ادارے اور دفاتر بند دکھے، جگہ جگہ پولیس تعینات رہی، انتہائی ضروری کام کے لیے گھروں سے نکلنے والوں کو ہی آگے بڑھنے دیا گیا، ہسپتال، میڈیکل اسٹور اور دیگر ہنگامی خدمات کو بحال رکھا گیا۔
