ریاست ہریانہ کے ضلع امبالہ میں جمعرات کے روز ایک 67 سالہ بزرگ کی کورونا وائرس سے موت ہوگئی ہے اور یہ ریاست میں کورونا سے پہلی موت درج کی گئی ہے۔
وہیں67 سالہ بزرگ کی کورونا کی جانچ پی جی آئی ایم ای آر ہسپتال میں ہوئی تھی۔ اس ہسپتال کے ایک سینئر عہدیدار نے ایک نیوز ایجنسی کو بتایا کہ بزرگ کی جانچ میں کورونا مثبت پایا گیا تھا، جس کے بعد ان کی موت ہو گئی۔'
اس سلسلے میں سی ایم او نے کہا ہے کہ بدھ کی رات ہریانہ کے ضلع پلول میں 113 افراد جن میں زیادہ ترلوگ تبلیغی جماعت سے وابستہ ہیں، ان کا پتہ لگایا گیا ہے۔
ان میں سے زیادہ تر لوگ نظام الدین تبلیغی مرکز میں شامل ہوئے تھے۔ ان میں سے 31 لوگوں کو آئیسولیشن وارڈ میں رکھا گیا ہے۔
