ریاست ہریانہ کے گھارونڈا سے بی جے پی رکن اسمبلی ہروندر کلیان کو بستاڑا ٹول پلازہ پر کسانوں نے محاصرہ کر لیا۔
دراصل رکن اسمبلی اپنی کار سے بستاڑا ٹول پلازہ سے گزر رہے تھے کہ کسانوں نے چاروں طرف سے کار کا محاصرہ کر لیا اور نعرے بازی شروع کردی۔ تقریبا دس منٹ کے بعد رکن اسمبلی ہروندر کلیانہ کو کسانوں نے جانے دیا۔
دراصل کسان پورے بھارت میں ٹول فری کرنے کے لیے بھی ٹول پلازوں پر بیٹھے ہوئے ہیں۔
واضح رہے کہ زرعی قوانین کے خلاف کسانوں کی تحریک گذشتہ کئی دنوں سے جاری ہے۔ کسان دہلی میں سنگھو بارڈر اور ٹکاری بارڈر پر احتجاج کر رہے ہیں۔
یہ بھی پڑھیں: مودی نے زرعی قوانین واپس نہیں لیے جانے کا اشارہ دیا
کسانوں کا واضح طور پر کہنا ہے کہ جب تک حکومت زرعی قوانین کو واپس نہیں لیتی اس وقت تک یہ تحریک جاری رہے گی۔ تاہم حکومت نے کسانوں کو اس قانون میں ترمیم کرنے کی تجویز پیش کی تھی، جسے کسان رہنماؤں نے مسترد کردیا۔
