سونی پتھ میں واقع بی پی ایس ومن میڈیکل لیب ٹیکنیشین نے میڈیکل ڈائریکڑر رینو گرگ کو خط لکھ کر شکایت کی ہے کہ انہیں اپنے گاؤں میں داخل نہیں ہونے دیا جا رہا ہے۔ ملازمین نے مطالبہ کیا ہے کہ ان کو میڈیکل میں ہی رہنے دیا جائے۔
اس تعلق سے گزشتہ روز بھی سرپنچ خاتون ڈاکٹر سے ملے تھے۔ ان کا بھی یہی کہنا تھا کہ آس پاس جتنے بھی ملازم میڈیکل میں نوکری کرتے ہیں ان کے رہنے کا انتظام یہاں کیا جائے۔
بی پی ایس میڈیکل کالج میں لیب ٹیکنیشین نریش نے بتایا کہ 'گوہانا میں میڈیکل ڈائرکٹر کو خط لکھ کر جانکاری دی گئی ہے کہ ہم جب نوکری کر رہے ہیں تو ہمیں اپنے گاؤں یا کالونی میں داخل کیوں نہیں ہونے دیا جا رہا ہے؟'
انہوں نے بتایا کہ 'کئی بار اس کی شکایت کر چکے ہیں لیکن ابھی تحریر میں میڈم کو شکایت کی ہے۔ ہمیں بہت دقت ہو رہی ہے۔ ہم کام کرنے کے بعد کہاں جائیں، اس لیے ہم نے میڈم سے کہا ہے کہ وہ ہمیں یہیں رہنے کا انتظام کر دیں۔'
