ریاست ہریانہ کے ضلع نوح میں واقع میوات میں ڈپٹی کمشنر شکتی سنگھ نے کہا کہ کورونا وبا کے خلاف جنگ میں اب چھوٹی بڑی تمام سیاسی و سماجی تنظیمیں حصہ لے رہی ہیں اور ان کے اس اہم کردار کی ستائش گاؤں والوں کے ذریعہ کی جا رہی ہے۔ کچھ دیگر تنظیمیں بھی ہیں جو اپنی ذمہ داریوں کو بخوبی انجام دے رہی ہیں۔
حکومت کے ساتھ ساتھ کئی تنظیمیں اس وبائی دور میں اپنا تعاون دے رہی ہیں۔ اس ضمن میں ڈپٹی کمشنر نے یہ بھی کہا کہ کورونا سے لڑنے کے لیے سماج میں ہر طبقہ سے جڑے لوگ انتظامیہ کی مدد کر رہے ہیں۔
انہوں نے کہا کہ 'کین پیک انڈیا لمیٹڈ' کی طرف سے ضلع کے لوگوں کے لیے کورونا بیماری سے لڑنے کے لیے امداد کی شکل میں طبی آلہ جات عطیہ کئے گئے ہیں۔ جن میں 10 آئی سی یو بیڈ، 10 آکسیجن سلینڈر اور 10 آکسیجن کنسنٹریٹر شامل ہیں۔
انہوں نے کہا کہ کورونا ریلیف فنڈ میں تعاون کرکے حکومت کا تعاون کیا جا سکتا ہے اس کے علاوہ ضلع سطح پر بھی ڈپٹی کمشنر کے کورونا ریلیف فنڈ میں تعاون کیا جاسکتا ہے۔
اس موقع پر ڈپٹی سی ای او گجیندر سنگھ، نائب میڈیکل آفیسر اشیش سمیت کین پیک انڈیا لمیٹڈ سے دشینت کمار موجود رہے۔
