Jammu and Kashmir Sub Inspector Paper Leaked جموں و کشمیر سب انسپکٹر پیر لیک معاملہ: ہریانہ سے ملزم گرفتار

ریواڑی میں سی بی آئی نے جموں و کشمیر سب انسپکٹر بھرتی پیپر لیک معاملے میں یتن یادو عرف نیتو کو گرفتار کیا ہے۔ سی بی آئی کی ٹیم نے اس سے قبل بھی ملزم کے گھر پر چھاپہ مارا تھا اس دوران وہ فرار ہونے میں کامیاب ہوگیا تھا۔ Jammu and Kashmir Sub Inspector Paper Leaked

ریواڑی: جموں و کشمیر سب انسپکٹر بھرتی پیپر لیک معاملے میں سی بی آئی کو بڑی کامیابی ملی ہے۔ سی بی آئی نے پیپر لیک معاملے میں یتن یادو عرف نیتو کو ریواڑی، ہریانہ سے گرفتار کیا ہے۔ سی بی آئی نے انہیں 10 دن کے ریمانڈ پر لے لیا ہے۔

بتایا جارہا ہے ریمانڈ کے دوران ملزم سی بی آئی کو پیپر لیک کیس میں ملوث دیگر لوگوں کے نام بھی بتا سکتا ہے۔ جموں و کشمیر سب انسپکٹر بھرتی پیپر لیک معاملے میں 13 ستمبر کو سی بی آئی نے ملک بھر میں 33 مقامات پر چھاپے مارے تھے۔ Jammu and Kashmir Sub Inspector Paper Leaked

سی بی آئی نے کرنال، نارنول میں بھی چھاپے مارے ہیں، ہریانہ کے ریواڑی میں ان دو مقامات پر یتن عرف نیتو اور ماڈل ٹاؤن میں سی اے اجے ارون کے گھر پر چھاپے مارے اور کئی گھنٹے تک پوچھ گچھ کی۔ اس کے علاوہ نارنول میں دو اور کرنال میں ایک جگہ چھاپے مارے گئے۔

ملزم کا تعلق پیپر لیک گینگ سے بتایا جارہا ہے۔ ان پر الزام ہے کہ ان کا تعلق ہریانہ کے علاوہ راجستھان اور دیگر ریاستوں میں پیپر لیک گینگ سے رہا ہے۔ نیتو نہ صرف پولیس بلکہ دیگر سرکاری ملازمتوں کے امتحانات بھی پیپر لیک میں ملوث رہے ہیں۔ اس کے ساتھ وہ کئی لوگوں کے امتحانات بھی پاس کر چکے ہیں۔ نیتو کی تاریں کافی دور تک جڑی ہوئی ہیں۔ پیپر لیک کرنے والے گینگ میں اس کے ساتھ کئی لوگ وابستہ ہیں۔ سی بی آئی کی تحویل میں آنے کے بعد اب نیتو تمام راز کھول سکتا ہے۔