روہتک: نائٹروجن سے بھرے بَلُون میں دھماکہ، سابق وزیر سمیت کئی زخمی

اس موقع پر پہنچے روہتک کے رکن پارلیمان ڈاکٹر اروند شرما کی اہلیہ، بیٹی اور سابق وزیر منیش گروور سمیت متعدد بی جے پی کارکنان اس حادثے میں جھلس گئے ہیں۔

ریاست ہریانہ کے روہتک میں بی جے پی کے ایک پروگرام کے دوران نائٹروجن سے بھرے بلون میں دھماکہ ہو جانے کی وجہ سے آدھے درجن کے قریب افراد جھلس گئے ہیں۔

بتایا جا رہا ہے کہ علاقے کی اناج منڈی میں 85 فٹ اونچے قومی پرچم کے افتتاح کے موقع پر یہ حادثہ پیش آیا۔

اس موقع پر پہنچے روہتک کے رکن پارلیمان ڈاکٹر اروند شرما کی اہلیہ، بیٹی اور سابق وزیر منیش گروور سمیت متعدد بی جے پی کارکنان اس حادثے میں جھلس گئے ہیں۔

وہیں بتایا جا رہا ہے کہ اس پروگرام کو کور کرنے پہنچے متعدد مقامی صحافی بھی آگ کی زد میں آنے کی وجہ سے جھلس گئے ہیں۔

مزید تفصیلات کا انتظار ہے۔