نئے زرعی قوانین کے خلاف احتجاج کرتے ہوئے آج کسانوں نے دہلی کی غازی آباد سرحد کو جام کر دیا۔ اس دوران اسٹرن پیریفیرل ایکسپریس وے پر طویل جام لگا رہا۔
بھارتیہ کسان یونئن کے کارکنان نے سڑک پر بیٹھ کر کسانوں کی حمایت اور حکومت مخالف میں خوب نعرے لگائے۔ وہیں، اس دوران سکیورٹی کے پیش نظر ایکسپریس وے پر بڑی تعداد میں پولیس اہلکار موجود رہے۔ کسانون کی جانب سے لگایا گیا یہ جام 4 بجے شام تک رہا جس کے بعد قومی شاہ راہ کو کھول دیا گیا ہے۔
اس سلسلہ میں مظاہرین کا کہنا ہے کہ 'آج قومی شاہ راہ پر حقہ پی رہے ہیں۔ کل پارلیمنٹ میں پیا جائے گا۔ اگر تینوں زرعی قوانین واپس نہیں ہوئے تو یہ سلسلہ جاری رہے گا۔ اب یہ آر پار کی لڑائی ہے۔'
