وڈودرا: وڈودرا میونسپلٹی پالتو کتوں پر بھی ٹیکس وصول کرے گی۔ گجرات میں پہلی بار وڈودرا میونسپلٹی نے نیا ٹیکس شامل کیا ہے۔ بجٹ میں ٹیکس میں اضافے کے ساتھ ایک اور نیا ٹیکس سامنے آیا ہے۔ پالتو کتوں پر ٹیکس لگاکر سالانہ کروڑوں کی رقم اکٹھی کی جائے گی۔ کارپوریشن کی سٹینڈنگ کمیٹی کے مطابق ہر 3 برس میں پالتو کتے کے مالک سے ایک ہزار روپے ٹیکس وصول کیا جائے گا۔ تاہم یہ واضح نہیں کیا گیا ہے کہ ٹیکس کا حساب کب سے لگایا جائے گا۔
وڈودرا سے آنے والی یہ خبر انتہائی چونکانے والی ہے۔ ریاست کی تاریخ میں پہلی بار ہے کہ وڈودرا میونسپلٹی پالتو کتوں پر بھی ٹیکس وصول کرے گی۔ ٹیکس میں اضافے کے ساتھ ایک اور ٹیکس میں اضافہ کیا گیا ہے۔ حالانکہ بلدیہ کے پاس اس بارے میں جانکاری نہیں ہے کہ شہر میں کتنے پالتو کتے ہیں۔ میونسپلٹی وڈودرا کے رہائشیوں سے پالتو کتوں پر ٹیکس کے ذریعے سالانہ ایک کروڑ روپے وصول کرنے کی تیاری میں ہے۔
قابل ذکر ہے کہ احمد آباد، سورت اور راجکوٹ جیسے شہروں میں کتوں پر کوئی ٹیکس نہیں ہے۔ احمد آباد میں GPMC ایکٹ پالتو جانوروں کی رجسٹریشن کو لازمی قرار دیتا ہے، لیکن کسی جانور پر ٹیکس نہیں لگاتا۔ سورت میں پالتو جانوروں کی تعداد تقریباً 2 لاکھ ہے لیکن پالتو جانوروں پر کوئی ٹیکس اور رجسٹریشن نہیں ہے۔ راجکوٹ میں پالتو کتوں کی تعداد تقریباً 16 ہزار بتائی گئی ہے، لیکن میونسپلٹی پالتو جانوروں پر ٹیکس نہیں لیتی۔ ایک کتے کے مالک نے اس بارے میں کہا کہ وہ اس فیصلے کی مذمت کرتا ہے۔ کتوں پر ٹیکس ایسا نہیں ہونا چاہیے۔ ایسا نہ ہو کہ کل ہم اپنے بچے کا ٹیکس مانگیں۔ کتے ہمارے فیملی ممبر کی طرح ہیں۔ وہ ہمارا ایک بچہ ہے۔ انہوں نے اپیل ہے کہ پہلے ڈاگ پارک بنانے کا سوچیں پھر ٹیکس وصول کریں۔
مزید پڑھیں:
