گجرات میں ضلع بھروچ کے ویڈچ علاقے میں جمعرات کے روز مکان کی دیوار منہدم ہونے سے ملبے میں تین سگی بہنیں دب گئیں، جن میں سے دو کی موت ہوگئی اور ایک بچی زخمی ہوگئی۔
پولس نے بتایا کہ نودھانہ گاؤں میں ارجن بھائی پرمار کے مکان کی دیوار آج صبح اچانک گر گئی۔ اس دوران ارجن بھائی کی تین بیٹیاں وہاں سو رہی تھیں، جو دیوار کا ملبہ گرنے سے دب گئیں۔
ان میں سے حنا بین (13) اور ویرالی بین (12) کی موقع پر ہی موت ہوگئی۔ جبکہ بھومیکا زخمی ہوگئی۔ اسے ہسپتال میں داخل کرایا گیا ہے۔ پولیس نے موقع پر پہنچ کر ضروری کارروائی شروع کردی ہے۔
