گجرات: کسانوں کو 'مہا' نامی طوفان سے خطرہ

بحیرہ عرب میں طوفان کی وجہ سے سوراشٹر اور جنوبی گجرات میں چھ اور سات نومبر کو تیز بارش کی توقع ہے۔ تیز ہواؤں کے ساتھ ان علاقوں کے بہت سے شہروں میں بھاری بارش ہوسکتی ہے۔

محکمہ موسمیات کے ڈائریکٹر جینت سرکار نے بتایا کہ بحیرہ عرب میں مہا طوفان سرگرم ہے۔ طوفان کے باعث آنے والے دنوں میں گجرات کے موسم میں اچانک تبدیلی رونما ہوگی۔ جنوبی گجرات اور سوراشٹر میں اس کا خاص اثر پڑے گا، یہاں تیز بارش ہوگی اور ہوائیں 60 سے 70 کلومیٹر فی گھنٹہ کی رفتار سے چلنے کا امکان ہے۔ انہوں نے مزید کہا کہ اس طوفان کے باعث دوسرے شہروں میں بجلی چمکنے کے ساتھ بارش ہوگی، گجرات میں ابرآلود موسم ہوگا۔

بارش کے موسم شروع ہونے سے قبل 'وایو' اور اس کے بعد کیار نامی طوفان سے ہوئے نقصان کے بعد، اب گجرات کے کسان 'مہا' طوفان کا کا شکار ہو سکتے ہیں۔ یہ طوفان بحیرہ عرب کے شمال مغرب کی جانب فی کلومیٹر کی رفتار سے آگے بڑھ رہا ہے۔ مہاراشٹرا کے بعد گجرات میں بھی اس کا الٹا اثر ہوا ہے۔ ریاست میں اب ابر آلود ہے۔ ہوائیں نو کلومیٹر کی رفتار سے چل رہی ہیں۔ 110 کلومیٹر فی گھنٹہ کی رفتار بھی ممکن ہے۔