پلائی کمپنی میں آتشزدگی، خاتون سمیت تین جھلسے

گجرات کے ضلع سورت کے بارڈولی علاقے میں پلائی کمپنی میں آگ لگنے سے ایک خاتون سمیت تین افراد جھلس گئے ۔

فائر بریگیڈ کے ایک افسر پی بی گڑھوی نے بتایا کہ پلائی بنانے والی ہائی ٹیک بورڈ پرائیویٹ لميٹیڈ کمپنی میں پیر کی دیر رات کسی وجہ سے اچانک آگ لگ گئی ۔

اطلاع موصول ہوتے ہی فائر بریگیڈ کی دو گاڑیوں کے ساتھ فائر بریگیڈ کے اہلکار موقع پر پہنچ گئے ۔

فائر بریگیڈ کے اہلکاروں اور کمپنی کے عملے نے تقریبا چھ گھنٹے کی سخت مشقت کے بعد آگ پر قابو پا لیا لیکن اس دوران وہاں کام کر رہی ایک خاتون سمیت کمپنی کے تین ملازم جھلس گئے ۔جھلسنے والوں کو اسپتال پہنچایا گیا ۔